GENERAL SANTOS CITY – Nagpadayon ang pagbaligya sa dakbayan buhi nga baboy didto sa kauluhan ug sa ubang lugar sa Metro Manila.
Kini ang gibutyag ni Dr. Antonio Marin, labaw sa City Veterinary Office nga nagpadayun ang suporta sa syudad sa demand sa baboy tungod apektado sa African Swine Fever ang mga lugar sa kauluhan.
Gawas sa Metro Manila naadto usab sa Davao ug Agusan ang 5,482 ka mga baboy nga gikan sa syudad.
Gani sa data sa maong buhatan adunay 3,477 ka mga baboy ang napadala sa kauluhan gikan Pebrero uno hangtud Pebrero 19.
Gibutyag usab niini nga mukabat na sa P8.2M ang nagastos sa syudad alang sa ASF prevention aron maprotektahan ang P2B nga hog industry .
Gikumpirma usab niini nga lima ka ASF checkpoint nga gibantayan sa kapin singkwenta ka mga sakop alang sa 24 oras nga monitoring aron dili makasulod ang mga pork products gikan sa mga lugar nga apektado sa maong virus.
