GENERAL SANTOS CITY – Daghan ang nagpaabut sa pagsugod sa serbsiyo sa bag-ong hepe sa Criminal Investigation Detection Group 12.
Kini human gikumpirma ni CIDG Chief Police Chief Supt. Roel Obusan ang pagdestino niini sa kontrobersiyal nga opisyal nga si Supt. Marvin Marcos nga nalambigit sa pagpatay sa Narco Politician ug Albuera Leyte Mayor Rolando Espinosa.
Bakante matud pa ang posisyon hinungdan nga dinhi gidestino ang opisyal nga bag-o lamang na reinstate sa serbsiyo.
Tunga ang opinyon sa mga lokal nga opisyal sa dakbayan sa pag-abot ni Marcos.
Una gidayeg ang mga natampo sa opisyal sa kampanya kontra druga samtang lahi usab ang ilang pagtan-aw sa gikalambigitan niini nga kaso.
Samtang alang kang City Councilor Franklin Gacal Jr ang chairman sa Committee on Public Safety nga monitoron ang pagserbsiyo sa naasoy nga opisyal. D
awat matud pa niini ang kagustuhan ni Pangulong Rodrigo Duterte nga pabalikon sa serbsiyo human kini masuspenso.
Sa adlaw nga Lunes magsugod na pagserbsiyo ni Supt Marcos sa CIDG 12.
