GENERAL SANTOS CITY – Nanguna na ang GenSan sa may labing daghang kaso sa COVID 19 sa Rehiyon 12.
Sa labing ulahing report kagabii sa Department of Health 12, Center for Health Development nga anaa na sa 664 ang kaso sa COVID 19 sa GenSan 245 ang active cases samtang anaa sa 646 sa bahin sa South Cotabato nga may 168 active cases.
Ang ikatulo nga pwesto ang Cotabato City nga may 477 ka kaso og 138 ang actives cases.
Ang ikaupat nga pwesto ang North Cotabato 192 ka kaso samtang ang active cases ang 192 ka kaso.
Ang ikalima nga pwesto ang Sarangani 169 ka kaso og 36 ang aktibong kaso.
Ang Sultan Kudarat ang may 150 ka kaso og 12 ang actives cases.
Sa katibuk-an ang Rehiyon 12 ang may 2,298 ka kaso samtang 644 ang active cases, 66 ang patay og 1,587 ang nakarekober.
Kahibaluan nga sa report nga gipagawas kagabii 59 ang nadugang sa kaso sa COVID 19 sa region 12 samtang anaa sa 39 ang nakarekober.
