GENERAL SANTOS CITY – Wala natala nga bag-ong kaso sa Coronavirus disease sa dakbayan sa Heneral Santos base sa report sa DOH- Center for Health Development Soccsksargen Region kagabii nga adunay nadugang nga 16 ka kumpirmadong kaso sa maong virus.
Sa maong ihap, pito sa South Cotabato, tig-tulo sa North Cotabato og Sultan Kudarat, duha sa Cotabato City og usa sa Sarangani Province.
Base usab sa katibuk-ang ihap sa nagmaayo sa sakit sa Region 12, gapanguna ang GenSan sa adunay labing daghang nagmaayo nga mitala og 855, ikaduha ang South Cotabato nga adunay 775, ikatulo ang Cotabato City anaa sa 668, ikaupat ang Sarangani nga may 297, ikalima ang North Cotabato nga 238 ka total recoveries ang natala og Sultan Kudarat nga may 178 ang nagmaayo sa sakit.
Nasuta nga mukabat na sa 3,011 ang toyal recoveries sa deadly virus sa Soccsksargen.
Samtang sa pagkakaron, mukabat na sa 3,699 ang katibuk-ang kaso sa COVID-19 kugn asa 562 pa ang acitve case kun padayon pang nagpaayo og 125 ang napatay tungod sa maong virus.
