GENERAL SANTOS CITY -Nakataas karon sa alert level 3 kon heightened alert status human ang natigayong pagbusikad sa gituohang bomba sa kilid nga entrance sa Christ the King Cathedral sa Rizal St., Koronadal City kagahapon.
Sa pakighinabi kang City PNP Dir. PSr/Supt. Raul Supiter, kini luyo nga maayo ang seguridad sa dakbayan. Gisiguro niining nagtina-bangay ang tanang gov’t security forces ug force multipliers aron mapugngan ang unsa mang untoward incident sa syudad.
Gani, adunay koordinasyon na ang GSCPO sa JTF-Gensan og sa tanang national support unit.
Adunay checkpoints sa mga national highways ilabi sa entrance og exit points pati sa mga pampublikong lugar.
Gibutyag ni Supiter, dugay ng nakadawat ang GSCPO og threat, una pa ang pagbusikad sa Koronadal.
Gikanayong grupo sa BIFF matud pa ang responsable sa pagbusikad apan sumala kay Supiter bisan unsang grupo apan sigurado siya nga mga terroristic o ISIS patronizing group ang nagpaluyo sa panghitabo.
Kahibaluan nga adunay bunyag sulod sa simbahan dihang mibusikad ang gituohang bomba nga nagresulta sa pagkaangol sa tulo ka tawo. Samtang adunay IED usab nga narekober sa lugar.
