GENERAL SANTOS CITY- Nagpabilin nga walay local transmission sa Coronavirus Disease 2019 sa General Santos City.
Basi sa COVID-19 bulletin, mukabat sa 46 ang natala nga kaso sa nasampit nga sakit dinhi sa dakbayan kung asa 12 niini ang nakarekober.
Sa karon, mukabat sa 327 ang istriktong gipailawom sa monitoring kung asa sa Calumpang adunay 68 ka mga PUM, Fatima-58, Tambler-4, Siguel-10, Labangal-12, Apopong-7 og sa North og West- adunay tig usa ka PUM. Samtang sa City Heights-33, San Isidro-55, Mabuhay-4, Aradaz St paingon sa Bula-27, Lagao og Ligaya may tig 14 ka PUM, Baluan-19.
Gipaklaro sa lokal nga panggamhanan nga kasagaran sa bag-ong kaso sa PUMs mao ang mga namauli LSIs kun locally stranded individuals og returning OFWs.
Nasuta nga sukad sa sinugdanan, miabot na sa 5394 ang ang nakakumpleto sa ilang 14 days quarantine og 861 ang nagapadayun sa ilang kwarantinas.
Samtang ang mga aktibong kaso sa covid sa dakbayan anaa sa 33 nga anaa sa mga gimuntar nga isolation facility og covid center.
Matud ni GenSan Mayor Ronnel Rivera nga may gamay nga delay sa bio lab sa dakbayan.
Gibutyag niini nga andam na ang tanan og ang paspas nga pagkuha og licensed to operate gikan sa DOH ang giatiman.
