GENERAL SANTOS CITY – Nagpabiling numero uno kon Tuna Capital of the Philippines ang GenSan.
Kini ang gihingusgan ni Belinda Canlas sa SOCSKSARGEN Federation of Fishing and Allied Industries, Inc (SFFAII), sa pakighinabi sa Bombo Radyo. Matud pa nga base sa iyang pagtuon, nagpabiling nanguna ang siyudad sa Tuna Industry, base sa gibug-aton sa makuha nga Tuna dinhi sa siyudad.
Giklaro usab ni Canlas nga tinuod nga ang naasoy’ng mga kuha nga isda ang dili gayud gikan sa area sa GenSan, sama usab sa ubang lugar nga may susamang industriya, tungod may ginatawag nga High Seas Pocket 1 ug 2 kung asa didto kadaghanan ginahimo ang pagpangisda bisan ang mga taga ubang nasud tungod open sea kon able alang sa tanang nasud base sa mga kasabutan.
Dungan niini, gipasigarbo ni Canlas nga nagkahiusa ang mga negosyante sa fishing industry dinhi sa siyudad, kung asa ginasuportahan ug ginatabangan nila ang matag usa, hinungdan nga lig-on ang industriya.
Padayon usab matud pa ang pag-export sa GenSan ug pag-export ug mga Tuna, kung asa may ginapatuman nga mga istriktong patakaran.
