GENSAN- Gibutyag ni Dr. Bernard Bulawan sa MRAT Inspection Division nga nagpabiling luwas ug anaa sa “green zone” ang General Santos City batok sa hulga sa African Swine Fever (ASF).
Hinuon, giklaro niya nga gitugotan ang pagpamaligya sa mga imported nga karne gikan sa laing nasod sama sa Brazil tungod kay aduna silay legal nga mga dokumento ug permits.
Apan iyahang gipahinumdoman ang mga negosyante nga kinahanglang ibutang gayod sa mga chiller o freezer ang maong mga frozen products aron dili daling madaot ug mapadayon ang saktong temperatura niini.
Tungod niini, nagreklamo karon ang mga ginagmayng manindahay sa merkado ug sidewalk tungod sa grabeng kompetisyon sa merkado.
Mahitungod mas mubo ang presyo sa mga imported nga karne kung itandi sa lab-as nga karne nga gikan sa farm gate nga mas mahal ang baligya.
Tungod sa maong sitwasyon, hugot nga gina-monitor sa ilang buhatan ang mga meat shop sa Gensan aron masiguro nga nasunod ang saktong pagdumala sa karne.
