GENERAL SANTOS CITY – Luyo nga gisiguro nga bird flu – free ang dakbayan sa Heneral Santos, buot gihapon nga maniguro ang lokal nga panggamhanan.
Kahibaluan nga nagsumite og urgent resolosyon sa Sanguniang Panlungsod si Kag. Lourdes Casabuena, chairman sa Committee on Public Affairs and Information sa konseho nga gaawhag sa Department of Agriculture og Department of Health nga magpahigayon og massive awareness campaign ngadto sa publiko kalabot sa Avian Influenza Virus.
Tumong niini aron kahatagan ug kasayuran ang publiko kalabot sa balatian sa maong mga poultry animals og unsa paglikay sa maong sakit.
Usa pa ka bulag nga resolusyon nga ang gisumite ni Kag. Casabuena nga ga-awhag sa Department of Trade and Industry nga magmonitor sa presyo sa poultry products gumikan sa outbreak sa bird flu virus sa San Luis Pampanga.
Gibutyag sa opisyal, kini aron kalikayan nga mapahimuslan sa negosyante ang publiko sa kasamtangang sitwasyon nga basin magpamahal pag-ayo sa presyo sa ilang baligyang karne sa manok og mga poultry by products.
Kahibaluan nga sa ubang mga lugar nagmahal na ang presyo sa karnen sa manok lakip na ang itlog tungod sa pagban sa mga poultry products gikan sa Luzon nga makasulod sa Visayas ug mindanao.
