GENSAN – Hugot na ang pagpangandam sa mga deboto sa Jesus Nazareno alang sa kapistahan niini ugmang adlawa, Enero 9, 2026, diin ipahigayon ang tradisyonal nga procession sa dakbayan sa Heneral Santos.
Sumala kang Dr. Sara Jane T. Manilay, usa ka deboto gikan sa Purok Malakas, Barangay San Isidro, dugay na kining pagtuo ug panulundon sa ilang pamilya nga ilang padayon ug ampingan pinaagi sa pagtukod sa simbahan ug paghimo sa Balaanong Misa matag unang Biyernes sa bulan alas 10:00 sa buntag.
Samtang sa kapistahan, ipahigayon ang Gabii sa Pasasalamat sa gabii sa Enero 8 sa ilang ancestral house ug sa mismong adlaw sa Enero 9, ang Balaanong Misa sa P. Acharon Boulevard, nga sundan dayon sa proseso nga molatas sa Acharon Boulevard, Pioneer Avenue, Roxas Avenue, City Hall, National Highway, Barangay City Heights, St. Michael Church, Mabuhay Road, Nuñez Street, ug mobalik sa kapilya.
Gipasabot ni Dr. Manilay nga ikaduhang higayon na kini nga kapistahan sa siyudad ug kabahin sa ilang panulundon ug padayon nga pagpasidungog sa Jesus Nazareno, nga giawhag niya ang tanang deboto nga moapil sa maong kalihokan.
