GENERAL SANTOS CITY – Adunay laing namatay ang natala sa GenSan nga positibo sa COVID 19.
Base sa report sa DOH – Center for Health Development Soccsksargen Region nga ang namatay ang 56 anyos nga lalake nga nakabsan sa kinabuhi gumikan sa septic shock secondary to COVID-19 Pneumonia – critical, bilateral with hypoxemia and multiple complication: acute renal failure; diabetes mellitus with nephropathy.
Ang kaso sa COVID 19 sa Region ang nadugangan og 50 samtang 43 ang nakarekober.
Sa 50 ka bag-ong kaso sa COVID 19 ang GenSan ang may labing daghang natala nga 23 ka kaso, Cotabato City 16, North Cotabato pito, Sultan Kudarat tatlo og usa sa South Cotabato.
Sa pagkakaron 1,054 na ang kaso sa COVID 19 sa GenSan, 175 ang aktibo og 41 ang patay.
Ang South Cotabato ang ikaduha nga pwesto nga may 935 ka kaso, 161 ang aktibo samtang 16 ang nakabsan sa kinabuhi.
Ang Cotabato City ang may 835 nga COVID 19 cases, 159 ang active cases samtang 32 ang patay.
Ang Sarangani ang may 339 ka kaso, 72 ang active cases og 12 ang patay.
Ang ikalima nga pwesto ang North Cotabato nga may 285 ka kaso og 41 ang active cases og 12 ang patay.
Ang Sultan Kudarat ang may 196 ka kaso samtang 12 ang active cases og walo ang patay.
Sa katibuk-an sa Region adunay 3,644 ka kaso sa COVID 19 samtang 620 ang active cases, 121 ang patay og 2,902 ang nakarekober.
