-- ADVERTISEMENT --
GENERAL SANTOS CITY– Misaka na sa 54 ang natala nga Covid-19 related deaths dinhi sa dakbayan sa Heneral Santos, kung asa nagpabili nga nanguna sa tibuok Soccsksargen area. Base sa December 13 case bulletin sa DOH-Center for Health Development Soccsksargen Region, gikumpirma ang pagkamatay sa 63 anyos nga babaye nga lumolopyo sa siyudad.
Base sa case history niini, “Covid-19 confirmed, acute respiratory failure” ang gitudlong hinungdan sa kamatayon sa pasyente.
Gikataho usab nga adunay comorbidty o laing balatian nga hypertension ug diabetes ang nasampit.
Nasuta nga anaa na sa 1,240 ang kinatibuk-ang kumpirmadong kaso sa Covid-19 og 1,096 ang total recoveries sa GenSan.
