GENERAL SANTOS CITY – Nakighiusa si Mayor Lorelie Geronimo Pacquiao sa selebrasyon sa 66th Nurses Week Celebration og 101st Founding Anniversary sa Philippine Nurses Association sa Dr. Jorge P. Royeca City Hospital (DJPRCH) kagahapon.
Isip pasalamat sa sakripisyo sa mga nurses, naghatag og 195 sako sa bugas og appliances sama sa 20 rice cookers, 20 stand fans, usa ka 55-inch Smart LED TV, usa ka refrigerator og usa ka washing machine.
Giila usab ang mga sulondon nga nurses sa gipahigayong Awarding Ceremony lakip na niini ang duha ka Florence Nightingale Award , duha ka Staff Support Award og usa ka Nursing Leadership Excellence Award kung asa sila nakadawat og tag-P5,000.
Naghatag usab og dugang P25,000 si Mayor Pacquiao nga gikatakdang ipanghatag sa mga nominees sa Awarding Ceremony og sa pipila ka empleyado sa ospital.
