GENERAL SANTOS CITY – Gikalipay ni Gensan Mayor Lorelie Pacquiao nga positibu ang mga komento sa pag host sa syudad sa bag-uhay natapos nga SocSargen Regional Athletic Association kon SRAA 2024 meet.
Matud sa Mayor nahimo kini tungod sa kooperasyon sa nagkalain laing ahensiya sa gobyerno hinungdan nahimong malampuson ang maong aktibidad.
Kung nakita matud pa sa mga bisita ang pagtinabangay nga gihimo sa syudad angayan nga pasalamatan ang mga residente tungod wala maulawan ang dakbayan isip host.
Gibalik balik matud pa sa mayor sa matag meeting alang sa preparasyon sa SRAA nga dili pakyason ang handum sa syudad nga mag host ug ingon ato kadako nga aktibidad.
Luyo sa kalampusan nagnegatibu usab ang komento sa mga ginikanan sa mga atleta sa syudad human gireklamo nga gitibhangan sa taga Deped ang cash nga nadawat sa mga atleta gikan sa syudad human matud pa gigamit sa pagbayad sa food caterring.
