GENERAL SANTOS CITY – Gipatun-an na ni Mayor Ronnel Rivera ngadto sa CEMCDO kun City Economic Management and Cooperative Development Office lakip kang Kagawad Jeng Gacal, ang chairman sa Committee on Finance sa konseho kung unsa man ang matabang sa lokal nga gobyerno sa dakbayan ngadto sa mga negosyante nga apektado sa covid 19.
Giangkon sa Mayor nga may dakong epekto sa ekonomiya sa syudad ang giatubang karon nga krisis sa nasud.
Lakip niini pagsirado sa daghang negosyo, gamay man o dako tungod sa covid 19. Sa GenSan, nagproblema ang mga negosyante kung unsaon mabaligya ang ilang produkto paingon sa Manila lakip niini pasayan, tuna og uban pa tungod walay muhatud nga eroplano paingon sa Kauluhan.
Samtang ang mga gagmayng negosyante sa dakbayan mi-aray na gumikan tungod sa mga patakarang gipatuman sa GenSan nalimitahan ang ilang customer o may mga establisiemento ang pugos nga nanirado.
