GENERAL SANTOS CITY – Gipasalig ni Gensan Mayor Lorelie Pacquiao sa 20th Sangguniang Panlungsod nga ang major point sa kasamtangang administasyon mao ang participatory governance pinaagi sa paglatid sa mga nag-unang proyekto.
Gibutyag ni special adviser to the mayor Atty. Franklin Gacal nga samtang ang Mayor adunay economic and legislative agenda ang pagpatuman usab niini ang magdepende sa desisyon ug pag-apruba sa mga myembro sa City Development Council.
Matud ni Gacal ang CDC usa ka planning body sa LGU nga mutabang sa direksyon sa economic ug social development sa Syudad.
Kini ang tubag ni Gacal sa pahayag ni Vice Mayor Rosalita Nuñez atul sa 7th regular session nga angayan nga i-convene sa Mayor ang CDC ug iduso sa konseho ang Comprehensive Development Plan ug Annual Investment Plan una ibutyag ang mga prayoridad sa economic development agenda.
Basi sa impormasyon gihatagan kutob sa Oktubre nga makapresenta sa road map ang Mayor atul sa unang usa ka gatus ka adlaw sa iyang pagserbsiyo.
