GENERAL SANTOS CITY – Gipasalig ni Mayor Ronnel Rivera nga wala nagpasabot nga mawad-an na ug panginabuhian ang mga tricycle drivers, human miabot na ang duha ka electric tricyle sa dakbayan.
Kahibaluan nga ang nasampit nga mga sakyanan ang gi-donate alang sa siyudad, ug pinaagi sa pagpaningkamot ni Kag. Bobby Pacquiao.
Sumala pa nga obserbahan ang daghan sa maong electric tricycle, kung unsa ang epekto niini.
Ingon usab sa plano kalabot sa road train nga planong sulayan kung pwedeng mudagan sa mga nag-unang kadalanan sa syudad.
Matud pa ni Mayor Rivera nga kung positibo ang hatud ngadto sa siyudad magpabilin ang maong sakyanan.
Gikadugang pa sa mayor nga bisag may mga bag-ong matang na sa sakyanan, protektahan gihapon sa siyudad ang mga tricycle.
