GENERAL SANTOS CITY – Gimando na mismo si Mayor Ronnel Rivera ang gilayong pagpasirado sa tanang mga Small Town Lottery kon STL outlets sa dakbayan.
Base kini sa gipagawas nga kamanduan ni Mayor Rivera ngadto kang OIC City PNP director P/S/Supt. Romeo Berango ug sa mga chief of police sa tanang presinto sa dakbayan, kalabot sa ‘immediate stoppage’ sa matud pa iligal nga operasyon sa STL dinhi sa siyudad.
Ang maong lakang ang human matud pa nasayran ni Mayor Rivera nga wala gihapon gipatuman sa kapulisan ang pagpaundang sa operasyon sa STL sa siyudad, luyo sa gipagawas niini nga cease and desist order kaniadto pang Setyembre 12, gumikan wala pay concurrence gikan sa Sangguniang Panglungsod.
Hinungdan nga angayan matud pang mutuman ug musubay gayud sa rule of law.
Gimanduan usab ang City Permits and Licensing Division nga makig-alayon ug makigtambayayong sa GSCPO alang sa naasoy’ng kamanduan.
Dungan niini, gimanduan usab ang kapulisan nga magsumite ug weekly report kalabot sa implementasyon sa naasoy’ng kamanduan.
