GENERAL SANTOS CITY – Mukabat sa 88 na lang ang aktibu nga kaso sa Gensan human nga pito ang nakarekober kagahapong adlawa. Kini luyo nga nanguna sa gihapon ang General Santos nga may labing daghan nga kaso human mitala sa 1,351 ang natakdan sa maong makamatay nga sakit.
Ikaduha ang South Cotabato nga adunay 1,125 samtang 70 ang aktibu samtang 26 ang namatay, nagsunod ang Cotabato City nga may 1,042 ka mga kaso luyo nga 50 na lamang ang aktibu samtang 37 ang napatay.
Ang Sarangani adunay 414 ka kaso luyo nga 22 na lamang ang giatiman karon samtang kinse ang napatay.
Ang North Cotabato nga may 363 ang nagpositibu samtang 36 ang aktibu samtang 15 na ang namatay ug ang Sultan Kudarat adunay 261 ka kaso luyo nga may 24 na lamang ang gibantayan samtang napulo ang napatay.
Sa kasamtangan ang tibuok SocSarGen area adunay 4,556 ang kinatibuk-ang ihap sa COVID 19 samtang 290 ang aktibu human nga nadugang ang 15 ka bag-ong kaso ug 160 ang namatay.
