GENERAL SANTOS CITY – Nanguna gihapon ang GenSan sa may labing daghang kaso sa COVID 19 sa Rehiyon 12.
Sa labing ulahing report kagabii sa Department of Health 12-Center for Health Development nga anaa na sa 762 ang kaso sa COVID 19 sa dakbayan og 233 ang padayon pang nagpaayo og 27 ang patay, 502 ang nagmaayo na.
Samtang 696 sa bahin sa South Cotabato nga may 133 ang active cases.
Ang ikatulo nga pwesto nga mitala og daghang kaso ang Cotabato City nga may 589 ka kaso og 187 ang actives cases.
Ang ikaupat nga pwesto ang North Cotabato 216 ka kaso nga may 49 ka active cases.
Ang ikalima nga pwesto ang Sarangani 236 ka kaso og 74 ang aktibong kaso.
Ang Sultan Kudarat ang may 166 ka kaso og 19 ang actives cases. Ang tibuok Soccsksargen Region mitala na og 2,665 ka kaso, 695 ang active cases, 83 ang patay og 1,886 ang nakarekober.
Kahibaluan nga sa report nga gipagawas kagabii 51 ang nadugang nga kaso sa COVID 19 sa Rehiyon samtang anaa sa 51 usab ang bag-ong nagmaayo samtang duha ang nadugang sa ihap sa namatay hinungdan nga misaka ang covid 19 related deaths sa rehiyon sa 83.
