GENERAL SANTOS CITY – Baynte sa GenSan og usa sa South Cotabato ang nadugang nga ihap sa nagpositibo sa Coronavirus disease hinungdan nga misaka na sa 618 ang kumpirmadong kaso sa covid 19 sa Rehiyon dose.
Padayon pang giimbestigahan ang history og exposure sa mga nasampit.
Basi sa tracker nga gipagawas sa DOH 12 kagahapong adlawa, sa maong ihap anaa sa 254 ang aktibo samtang 353 ang nakarekober og napulo ang nahunusan sa kinabuhi.
Sa karon nanguna sa labing daghan nga kaso ang Probinsya sa South Cotabato nga adunay 162, 81 ang aktibong kaso samtang 81 ang nakarecover.
Ikaduha ang Gensan nga adunay 128, samtang 49 ang nakarecover.
Dayon ang Sarangani nga may 98 ang kaso , 69 ang nakarecover og usa ang natala nga namatay.
Ikaupat sa pwesto ang Sultan Kudarat nga may 86 ka mga kaso, 67 ang nagmaayo na.
Anaa sa ikalima nga pwesto ang Cotabato City nga adunay 78 ka mga kaso og sa sa maong ihap 39 ang nagmaayo na.
Samtang ang North Cotabato na ang ikaunom sa pwesto nga may 68 ka mga kaso, 48 ang anaa sa luwas nga kondisyon.
Samtang usa lang ang nareport kagahapon nga nagmaayo na kung asa usa ka 23 anyos nga lalaki nga residente sa Aleosan North Cotabato Province.
