GENERAL SANTOS CITY– Katorse ang nadugang nga kaso sa COVID 19 sa Region 12, kini base sa labing ulahing report sa DOH – Center for Health Development Soccsksargen Region.
Sa nasampit nga report 26 ang nakarekober.
Sa bag-ong kaso sa COVID walo niini gikan sa GenSan, unom sa South Cotabato og usa sa Cotabato City.
Sa unom ka kaso sa South Cotabato unom ang gikan sa Koronadal City og usa sa Banga, South Cotabato.
Sa pagkakaron anaa sa 1,237 ang kaso sa COVID 19 sa GenSan 88 ang active cases og 1,096 na ang nakarekober. Sa South Cotabato adunay 1,053 ang kaso, 71 ang active cases og 960 ang nakarekober.
Ang Cotabato City ang may 995 ka kaso, 89 ang active cases og 869 ang nakarekober. Ang Sarangani ang may 386 ka kaso, 50 active cases og 322 ang nagmaayo na sa sakit. Ang North Cotabato ang may 313 ka kaso, 18 ang active cases og 282 ang nakarekober.
Ang Sultan Kudarat ang may 227 ka kaso, 11 ang active cases og 206 ang total recoveries.
Sa katibuk-an adunay 4,211 na ang kaso sa COVID 19 sa rehiyon kung asa 326 ang active cases, og 3,735 ang total recoveries.
