GENERAL SANTOS CITY – Kumpiyansa si GenSan Mayor Ronnel Rivera nga luwas ang dakbayan gikan sa unsa mang bahad sa terorista nga miatake sa Marawi City.
Sa pakighinabi sa Bombo Radyo, gipapha ni Rivera ang kabalaka sa ubang mga residente, kung asa wala matud pay angayang kabalak-an ang katawhan gumikan gawas nga layo ang GenSan sa Marawi, mas gipahugtan usab ang pagbantay sa seguridad pinaagi sa mas gipakusgan nga checkpoints ug choke points katambayayong ang GSCPO ug Joint Task Force Gensan.
Wala usab matud pay timailhan nga mahitabo sa siyudad ang kasamtangang sitwasyon sa Marawi.
Ug gani, dili na usab matud pa kinahanglang magpatuman curfew sa siyudad, luyo nga naka-full alert ang mga otoridad sa pagbantay sa seguridad.
Samtang, gikatakdang mutambong si Mayor Rivera sa matigayon nga pulong sa DILG sa tibuok Mindanao, alang sa mga direktiba alayon sa gipatuman nga martial law.
