GENERAL SANTOS CITY – Nagtigum ang Local Disaster Council sa dakbayan nga gihisgutan ang mga angayang himoon kalabutan sa 2019-nCOV ARD.
Ang City Health Office sa pagpanguna ni Dr. Jett Oco ang hugot nga nakig-alayon sa Department of Health lakip na sa Bureau of Quarantine kalabutan niini.
Samtang hugot nga gipatuman ang mga infection control strategies sa nagkadaiyang mga ospital.Gipalig-on usab ang surveillance system pinaagi sa Inter-Agency Task Force for the Management of Emerging and Re-emerging Infectious Diseases og community engagement strategies pinaagi sa Barangay Health Emergency Response Teams.
Gibutyag nga nagpabiling ncov free ang dakbayan lakip na ang region 12. Hinoon sa gipagawas nga 2019 novel corona cases sa DOH kagahapong adlawa adunay 267 ang natala nga patients under investigation kung asa 3 ang kaso sa ncov, 230 ang sa ospital, 19 ang nakagawas na sa ospital.
Sa labing unang higayon nga data gikan sa DOH natala ang labing unang kaso sa PUI gikan sa Rehiyon 12.
