Gensan ipailawom na sa alert level 2 samtang South Cotabato nagpabilin nga alert level 3

Nagpabilin ang South Cotabato alert level 3 sa bag-ong classification nga gipagawas sa Inter-Agency Task Force (IATF).

Kauban sa mga lugar nga anaa sa alert 3 ang Iloilo City, Iloilo Province og Guimaras sa Region VI; Zamboanga City sa Region IX; Davao de Oro og Davao Occidental sa Region XI; og South Cotabato sa Region XII.

Ang maong classification ang magsugod sa February 16 hangtud sa 28, 2022. Samtang ang GenSan North Cotabato, Sarangani og Sultan Kudarat sa Region XII ang ang gipaubos sa alert level 2.

Kahibaluan nga sukad sa miaging semana padayon ang pag-ubos sa kaso sa COVID 19 ang natala sa GenSan og ubay-ubay na usab ang nagmaayo.