GENERAL SANTOS CITY – Dili masiguro kung luwas sa polio ang dakbayan.
Kini ang gibutyag ni Dra. Mely Lastimoso sa City Health office. Matud pa sa nasampit nga opisyal, kini gumikan daghan ang mga migrants sa syudad kung asa gihimo niining ehemplo kaniadto ang nahitabo sa dihang natigayon ng cholera outbreak.
Gidugang ni Dra. Lastimoso nga daghang trabahante sa syudad nga dili taga dinhi. Samtang giklaro nga ang vaccine-derived virus ang mag-mutate ang virus nga buot ipasabot nga mas isog ang strain apan panagsa kini mahitabo.
Kinahanglang magtinabangay aron nga dili na mukatap ang virus ug nanawagan sa mga ginikanan nga pabakunahan gayud ang mga anak.
Nasayran nga gimando na ngadto sa City Health Office nga palig-unon pa ang education campaign may kalabutan sa polio.
Gani nagpasa ug urgent resolution aron nga mabatukan ang polio.
