GENERAL SANTOS CITY – Luyo nga hapit na nga maangkon sa dakbayan ang target nga 90% sa katibuk-ang popolasyon nga mabakunahan batok sa COVID 19 apan walay puas ang panawagan sa City Health Office nga magpabakuna.
Sa presentasyon ni Raffy Piamonte, nurse sa CHO sa Sangguniang Panglungsod, iyang gibutyag nga 415,637 na ang ang nabukunahan batok sa COVID 19 nga anaa sa 89.66% Sa bahin sa mga senior citizen anaa sa 79.14% ang bakunado sa mga nasampit nga ang target ang anaa sa 70% sa ilang popolasyon.
Gikadugang pa niini nga sa hisgutanan sa booster dose 50% sa mga fully vaccinated ang angayang mabakunahan og anaa na sa 49.10% .
Ang Rural Health Units (RHUs) sa dakbayan lakip na ang mga vaccination sites sa mga malls ang abli alang sa mga buot nga magpabakuna.
Mahinungdanon ang bakuna gumikan mahatagan og igong proteksyon ang panglawas nga maoy rason nganong dili daghan ang nadala sa ospital gumikan sa COVID 19.
