GENERAL SANTOS CITY – Nahibulong gihapon si Kag. Franklin Gacal sa gihimong lakang sa kapulisan dinhi sa siyudad kalabot sa pagpasirado sa tanang STL outlets dinhi sa siyudad.
Sumala pa nga bisan ug kapin semana na ang nakalabay human sa labing ulahing kamanduan nga gipagawas ni Mayor Ronnel Rivera, nahibulong siya nganong ang Pendatun Police Station pa lang ang maoy naglihok ug nakasugod sa pagpasirado sa mga STL outlets, ug wala ginadakop ang mga maabtan nga personahe niini.
Matud ni Gacal nga kon sutaon, ang mga nasampit ang nakasupak sa baalod sa anti-illegal gambling, tungod iligal ug walay concurrence kon pagtugot gikan sa lokal nga panggamhanan ning siyudad.
Dungan niini, subling gihingusgan sa nasampit nga konsehal nga mismong ang legal department sa PRO-12 na ang nagkanayon nga iligal, gawas pa nga may kamanduan sa Sangguniang Panglungsod ug sa mayor, apan nagmagahi gihapon si OIC city PNP director P/S/Supt. Ruel Berango.
Wala matud pa nagkinahanglan ang dakbayan ug susamang labaw sa kapulisan, hinungdan nga suportado kaayo niya ang pagdeklara kang Berango nga persona non grata.
