GENERAL SANTOS CITY – Kumpiyansa si City Councilor Franklin Gacal Jr. nga mudaog si Sen. Manny Pacquiao sa umaabot nga away nila ni Keith Thurman sa Hulyo 21 nga matigayon sa Las Vegas.
Sa pakighinabi sa Bombo Radyo, gibutyag sa nasampit nga opisyal nga luyo nga mas bata si Thurman, daghan ang mga nakaatbang kaniadto ni Pacquiao nmga mas kusgan pa sa undefeated American boxer nga iyang napildi.
Hinungdan nga bisan ug 40-anyos na ang fighting senator, usa gihapon kini ka delikado nga makalaban.
Namatikdan matud pa ni Gacal sa mga gitan-aw nga video sa kanhing mga away ni Thurman, nga tinuod nga kusgan ang mga kinumo niini apan mas hinay itandi sa Pinoy ring icon, nga alang sa opisyal, una pa mutugpa ang mga kinumo niini kang Pacquiao, naigo na siya ug tulo o upat ka tira.
Hinuon, wala matud pa galaum ug knockout win si Kag. Gacal apan dako iyang pagsalig nga mudaog si Pacquiao pinaagi sa puntos.
