-- ADVERTISEMENT --
GENERAL SANTOS CITY – Aprubado na ang pagsibog sa regular session sunod semana sa Gensan City Council.
Kini gumikan full-force ang tanang miyembro sa konseho nga mubiyahe padulong sa Kuala Lumpur, Malaysia, aron musuporta kang Sen. Manny Pacquiao alang sa umaabot nga away sa Hulyo 15.
Ug gani, lakip matud pa sila sa entourage sa fighting senator, kauban ang Team Pacquiao, nga mubiyahe sa Hulyo 9, adlaw’ng Lunes, padulong sa nasampit nga nasud.
Sa karon wala pa masayri kon unsa nga eroplano ang sakyan sa tibuok Team Pacquiao gikan GenSan paingon sa Malaysia. Ang Pacquiao-Matthysse fight matigayon sa Axiata Arena, Kuala Lumpur, sa nasampit nga nasud.
