GENERAL SANTOS CITY – Pabor si City PNP Director Col. Aden Lagradante nga magpahigayon ug mas estrikto nga pagsala sa mga aplikante sa pagkapulis aron maka-recruit ug mas abtik ug mas maalamon nga mga pulis.
Kini kalabutan sa hisgutanan sa ensakto nga mass body index sa usa ka pulis aron respondihan ang unsa mang tawag gikan sa mga residente.
Matud sa opisyal nga maayo kini nga direktiba tungod pabor sa usa ka Pulis nga adunay gaan ang timbang kumpara sa bug-at ug lawas sa sakop nga maglisod pagresponde.
Gihulagway sa opisyal, ang matang sa pgresponde sa usa ka tambok nga pulis nga madestino sa patrol.
Gidugang niini nga mas maayo nga pahugtan pa ang screening sa mga bag-ong aplikante ug dili himuon nga basihan ang daghang kaila aron nga makapili ang PNP aron makakuha ug mas abtik ug maalamon nga mga sakop.
Gihisgutan usab sa opisyal ang ‘values’ sa pagkamatinud-anon kay daghan ang tentasyon sa trabaho sa mga pulis human madugayan ang Pangulo sa pagpili sa mahimong labaw sa PNP.
