GENERAL SANTOS CITY – Wala pay kongkretong draft ang gobyerno kung unsa ang sundon nga matang sa pederalismo.
Kini human nga ang PDP Laban ang may kaugalingong version, samtang aduna usab ang Kamara lakip na si kanhing Senador Nene Pimentel.
Matud ni Kag. Edmar Yumang, pabor siya sa giduso nga pederalismo sa Duterte administration.
Apan angayan matud pang ipaagi sa constitutional convention ug dili sa constituents assembly ang pag-usab sa batakang balaod.
Kini gumikan kung pinaagi sa constituents assembly, ang mga magbabalod ang mag-usab sa konstitusyon, ug wala siyay salig sa mga kongresista.
Hinuon, aminado ang nasampit nga konsehal nga mas gamay ang gastos itandi sa constitutional convention nga mismo ang katawhan ang magpili sa mga representante pinaagi sa referendum.
Gawas niini ang ubang mga magbabalaod ang walay igong kasayuran kalabutan sa balaod hinungdan nga dili kaayo makahisgot pagmaayo.
