GENERAL SANTOS CITY – Sugod Hulyo uno adunay kabag-uhan nga ipatuman sa merkado publiko sa dakbayan.
Matud Assistant City Administrator Engr Teody Dumagan nga magpatuman ug kabag-uhan sa dagan sa trapiko, laray sa mga vendor ug lain pa.
Human mabati-an ang pagbatikos miaging semana gibutyag niini nga dili angayan nga ikumpara ang palengke sa dakbayan nga upat ka dekada na kumpara sa palengke sa ubang lugar nga nag edad pa lamang ug mukapin usa ka tuig.
Gidepensahan pa niini ang palengke nga maoy tinubdan sa panginabuhi-an sa daghang pamilya kay gikan sa mga apuhan nga nagbaligya kaniadto ang ilang mga apo na ang gatinda karon.
Nagtuo pa gani kini nga adunay buot mudaut sa palengke sa syudad.
Pagdugang pa niini nga ang palengke susama sa panimalay nga gipaningkamutan nag malimpyuhan apan gumikan sa kadaghan sa misulod niini dili malikayan nga magkahugaw.
