-- ADVERTISEMENT --
GENERAL SANTOS CITY – Nagsugod na sa pagbansay ang GenSan boxer nga si John Vincent Moralde sa Wild Card Gym didto sa Amerika.
Kini alang sa umaabot nga away batok sa 2012 London Olympian nga si Jamel Herring nga matigayon sa Fresno, California sa Setyembre 14.
Sa maong away ilang ilugan ang bakante nga USBA Super Featherweight Title.
Kahinumduman nga sa labing ulahing engkwentro ni Moralde kaniadtong Mayo lamang ning tuiga nga gipahigayon gihapon sa Amerika, gipildi niya via unanimous decision ang Amerikano nga si Ismail Muwendo.
Sa karon, ang record ni Moralde ang may 21 ka daog, usa ka pildi ug 10 ka knockouts. Samtang si Herring ang may 17 ka daog, duha ka pildi ug 17 ka knockouts.
-- ADVERTISEMENT --
