GENERAL SANTOS CITY – Hugot na ang pagbansay sa Gensan boxer nga si Criztian Pitt Laurente batok alang sa matigayong engkwentro niini batok kang Romnick Magos nga gikatakda sa Pebrero 2, 2020.
Si Laurente ang kanhi miyembro sa Philippine boxing team kung asa gibansay sa iyang kaugalingong amahan nga si coach Titing Laurente.
Ang iyang kaatbang nga si Magos ang taga Cebu City nga may 12 ka daog, 11 ka pildi og pito ka knockouts.
Samtang si Laurente ang may upat ka daog og tulo ka knockouts.
Ang iyang labing ulahing nakaengkwentro mao si Jasper Cayno sa miaging Disyembre 14, 2019 nga midaog via unanimous decision nga natigayon sa Elorde Sports Complex, Paranaque City.
Ang Laurente-Magos fight ang ipahigayon sa Barangay Apas Sports Complex, Cebu City.
