GENERAL SANTOS CITY -Andam mag host ang dakbayan sa ipahigayon nga SOCCSKSARGEN Regional Athletic Association Meet kun SRAA 2020 .
Matud kang City Sports Division head Lady Manalo, hugot na ang pagpangandam sa DepEd ug sa LGU-GenSan sa maong aktibidad nga ipahigayon karong Pebrero 19 hangtud 24 niining tuiga.
Matud ni Manalo nga daghan ang himuon nga venue niining higayuna kung ikumpara sa pag host sa dakbayan ug Palarong Pambansa kini tungod mahimong sentro ang Acharon sports complex .
Sa maong venue ipahigayon ang dula nga athletics, swimming ug football apan gawas niini pulos indoor na ang mga venue sa dula.
Kini human nakig-alayon ang syudad ug ang DepEd sa MSU, Holy Trinity, apil na ang mga gymnasium sa Brgy. Fatima, Brgy. Tambler, Brgy. Labangal, Brgy. Lagao, Brgy. Bula ug Oval covered court.
Gihimo kini aron makalikay sa tumang kainit ang mga magdudula aron dili madaut ang panglawas sa mga atleta.
