GENERAL SANTOS CITY – Pagsiguro nga limpyo ug malinawon ang gipahigayon nga Barangay and Sangguniang Kabataan Elections ang hinungdan sa pagbisita ni Police Regional Office 12 Brigadier General Jimili Macaraeg sa mga polling precincts dinhi sa dakbayan lakip na sa South Cotabato kaniadtong October 30, 2023.
Dinhi sa dakbayan unang nakit-an ang labaw sa kapulisan dihang gisusi ang iyang mga sakop nga nagbantay sa New Society Central Elementary School ug New Society National High School.
Sa mao nga higayon nahinagbo sa Bombo Radyo coverage team si General Macaraeg kuyog ang hepe sa Makar Police station Major Jayson Baynosa.
Nakighimamat usab silang Macaraeg sa Principal sa naasoy nga tulunghaan ug gipangumusta ang ilang kahimtang.
Dayon sunod nga gibisita sa Regional Director ang Polomolok Central Elem. School sa South Cotabato. Gisguro sa opisyal nga gilayon nga makaresponde ang kapulisan kung kinahanglan.
Gani gipasalamatan niini ang taga DepEd mga force multipliers, advocay support group ug uban nga law enforcement agenciaes nga naningkamot alang sa kalinaw sa piniliay.
