GENERAL SANTOS CITY- Bag-o na ang regional director sa PNP 12 human nagretiro si Police Brigadier General Eliseo Tam Rasco.
Natigayon ang turnover of comamnd kaganihang buntag sa Police Regional Office (PRO) 12 kon asa ang mihulip mao si Police Brigadier General Alfredo Sotto Corpuz, nga miyembro sa Philippine MilitaryAcademy ( PMA) Class 1987.
Si Corpuz ang kanhing director sa PNP training Service sa National Headquarters.
Nagpasalamat kini kang Pangulong Rodrigo Duterte ug sa Department of Interior and Local Government (DILG) lakip ang ubang opisyal sa rekomendasyon ug pag-endorso kaniya nga mamahimong labaw sa PRO12.
Samtang gimanduan niini ang upat ka provincial director sa rehiyon dose lakip si GenSan City PNP Director Col. Aden lagradante nga palig-unon ang seguridad, intel monitoring ug gamiton ang mga resources nga dili makalusot ang mga dautang elemento sa ilang area of responsibility.
Mitambong usab sa turn over ceremony si PNP Chief P/Director General Oscar Albayalde, isip guest speaker.
Kahinumduman nga sa milabay nga semana adunay movement sa pipila ka posisyon sa PNP 12.
Ang kanhi information officer sa PNP 12 nga si Police i Lt. Col. Aldrin Gonzales ang bag-ong labaw sa Investigation Division sa Sarangani Provicial Police Office.
Gani, nabalhin na usab isip hepe sa Polomolok si Lt. Col. Samuel Cadungon ug gipulihan ni Lt. Col. Marvin Dua-dua.
Samtang si Cadungon ang nahimong deputy city director for administration sa GSCPO hulip kang Lt. Col. Ronald Peñaverde nga nag-schooling.
