Bisan pa sa pipila ka adlaw nga komprontasyon tali sa Davao Police ug mga sakop sa Kingdom of Jesus Christ (KOJC), mapasalamaton gihapon si Regional Director BGen. Nicolas Torre III sa mga tigpaluyo ning maong sekta sa ilang kooperasyon.
Giinsistir ni Torre, bisan kung adunay dili pagsinabtanay, away, ug engkwentro tali sa mga pulis ug mga supporter, kini mga gagmay nga butang lamang. aglaum ang heneral nga ang pagkasikop ni Quiboloy maoy sinugdanan sa ‘healing process’ sa panagbangi nga resulta sa operasyon. Gihatagan og katin-awan sa heneral ngadto sa mga sakop sa KOJC nga dili siya ilang kaaway.
Matod sa heneral, gihimo lamang niya ang iyang trabaho isip pulis, sa pagsilbi sa warrant batok kang Quiboloy.
Gipangunahan ni Torre ang operasyon sa PNP Davao Region sa KOJC compound nga unang gisugdan niadtong Agosto.
Tungod sa kontrobersyal nga operasyon, giimbestigar usab kini sa Senado niadtung Biyernes, Setyembre-6, diin nagtinubagay ang mga nagbarog nga opisyal ug legal counsel sa KOJC ug PNP Davao Region pinangulohan ni Director Torre.
