Gi anunsyo na sa e-wallet nga GCash nga nasulbad na ang bank transfer glitch nga nasinatian kaniadtong Biyernes, Nobyembre 22.
Kini ang ikaduhang higayon nga nagkaproblema ang e-wallet karong buwan sa Nobyembre. Ang unang insidente mao ang gikataho nga pagpangawkaw sa kuwarta sa pipila ka users gikan sa ilang account.
Kalabot sa insidente , gipahibalo sa GCash nga nakasinati og problema ang ilang feature sa bank transfer pinaagi sa BancNet apan dili klaro ang hinundan niini.
Sa usa ka pahibalo nga gi-isyu sa e-wallet platform, kini miingon nga ang BancNet nagtrabaho aron mapasig-uli ang serbisyo sa labing madali nga panahon.
Gitambagan niini ang mga apektadong tiggamit nga sa higayon nga ma-debit ang ilang bank account, kini ma-credit sa GCash wallet sulod sa 24 ngadto sa 48 ka oras.
Sa laing bahin, nagpadayon ang imbestigasyon sa Bangko Sentral ng Pilipinas nga nag-regulate sa maong app, ug ang target nga mahuman kini sa tunga-tunga sa Disyembre
