Gibutyag sa Philippine Statistics Authority o PSA atol sa impeachment trial batok kang Vice President Sara Duterte nga gatusan ka mga ngalan sa listahan sa mga nakadawat og confidential ug intelligence funds ang walay opisyal nga rekord sa nasud.
Gikumpirma ni PSA Assistant National Statistician Marizza B. Grande nga gikan sa 1,992 ka ngalan sa listahan sa payees sa Office of the Vice President o OVP, mokabat sa 1,287 niini ang walay nakit-ang rekord sa birth, marriage o death sa ilang database.
Sa detalye sa pagsusi sa OVP funds, nakit-an nga 1,322 ang walay Certificate of Live Birth, 1,456 ang walay Certificate of Marriage, samtang 1,593 ang walay rekord sa Certificate of Death.
Gipresentar usab sa PSA ang resulta sa ilang pagsusi sa 677 ka ngalan gikan sa listahan sa Department of Education o DepEd, diin 398 niini ang walay bisan unsang sibil nga rekord sa database sa gobyerno.
Gikan sa maong DepEd list, nakit-an nga 405 ang walay birth certificate, 443 ang walay marriage certificate, ug 507 ang walay na-record nga death certificate sa Civil Registry System.
Gihatagan usab og gibug-aton ni Grande nga “unusual” o dili kasagaran ug kapansin-pansin ang pipila sa mga ngalan nga gisumite sa House panel, kon itandi sa kasagarang mga rekord sa mga lungsoranon nga anaa sa database sa PSA.
