-- ADVERTISEMENT --
GENERAL SANTOS CITY – Gatusan ka sako sa basura ang nakolekta sa gipahigayong clean up drive sa Queen Tuna Park ning siyudad, kagahapong adlawa.
Giorganisa kini sa lokal nga panggamhanan ug gisalmotan sa nagkadaiyang sektor dinhi sa dakbayan isip pakighiusa sa pagsaulog sa Earth Day.
Ang tema sa maong clean up drive mao ang “Protect our Species”.
Lakip sa misalmot sa paghinlo sa Sarangay Bay ug pagkolekta ug mga basura ang SOX Free Divers.
Gi-awhag ni Cecile Sarmiento, miyembro sa maong grupo, ang publiko nga dili ilabay ang basura bisag asa.
-- ADVERTISEMENT --
Sa halos usa ka oras nga coastal clean up drive, nakakolekta ug mga guba nga appliances, sapatos, sinena, mga palwa sa lubi ug kahoy, samtang plastic ang pinakadaghan.
