GENERAL SANTOS CITY – Gimando na ni Gensan City PNP Director PCol. Aden Lagradante ang lalom nga imbestigasyon sa duha ka insidente sa pagpanglabay og granada nga natigayon sa magkabulag nga lugar sa syudad.
Nasayran nga gilabayan ug granada sa duha ka mailhing lalake nga nakamotorsiklo ang Jorey gas station sa Brgy.Tinagacan ning dakbayan.
Mibusikad ang granada apan swerte nga walay naigo nga mga empleyado human nga miigo sa plastic barricade sa gasolinahan nga panag-iya ni Joel Apolinario ang founder sa KAPA o Kabus Padatuon.
Gusto masayran ni Col. Lagradante kung kinsa ang nagpalauyo sa pagpanglabay og granada sa gas station.
Samtang giklaro usab ni Col. Lagradante nga wala mibusikad ang granada nga gilabay sa Metro GenSan sa Brgy. Lagao, GenSan.
Gimando na sa opisyal sa Chief of Police sa Tinagacan og Lagao Police Station nga tutukan ang imbestigasyon sa insidente ilabi pa nga ang gasolinahan og ang Metro Gensay ang nalambigit sa investment.
