Giangkon ni retired police colonel Royina Garma sa House quad committee nga gilayon nagtawag kaniya si kanhi President Rodrigo Duterte human siya nag-testify sa panel apan gibutyag nga walay gisulti si Duterte kabahin sa iyang testimonya.
Sa maong tawag, gibutyag ni Garma nga nagpaklaro si Duterte kun nganong gisaligan niini si Edilberto Leonardo, nga mao ang gialegar nga gi-tap sa kanhi Presidente nga pamunuan ang replication sa national level sa anti-drug operations sa Davao City.
Kahinumdoman nga sa ikawalo nga adlaw sa hearing sa quad committee sa miaging Oktubre 11, direkta nga giulamid ni Garma si Duterte sa drug war killings og gibutyag nga human nga nagdaog si Duterte sa 2016 presidential election, nag-recruit kini og mga tawo aron ipatuman ang “Davao model” sa tibuok nasud.
Ang Davao model mao ang system of payment nga nagahatag og reward sa mga drug war actors sa malampuson nga pagpatay sa mga drug suspects.
Si Leonardo ang ginatudlo nga naga-coordinate sa mga police officers sa pagpatuman sa operasyon opg pagproseso sa rewards.
Gibutyag ni Garma sa quad committee nga sa maong tawag, wala mihangyo si Duterte nga punggan kini sa pag-istorya sa kamatauoran.
Sumala pa kang Garma nga nangayo kini og pasaylo kang Duterte sa ilang pag-istoryahanay sa telepono.
