Dismayado si First Lady Liza Marcos sa kahimtang sa Philippine Film Heritage Building nga gitukod sa Intramuros, Manila, human makita nga substandard ang kalidad ug wala kini natapos sa takdang petsa nga Setyembre 4, 2025.
Gibutyag ni Palace Press Officer USec. Claire Castro, daghang depekto ang building sama sa walay alulod, di pulido nga elevator, wala pa mahuman nga sinehan, semento lang ang ubang kwarto, ug adunay leaks sa CR ug atop.
Ang proyekto nga nagkantidad og kapin ₱107 milyon gi-award sa Great Pacific Builders and General Contractor Inc., nga gipanag-iya sa pamilya Discaya, ug karon giimbestigahan tungod sa alegasyon sa substandard nga trabaho.
Personal nga giinspeksyon sa Unang Ginang ang building apan wala siya nagpa-interview, samtang ang Malacañang nagpadayon sa imbestigasyon aron masuta ang mga kakulian ug posibleng legal nga aksyon batok sa contractor.
