GENERAL SANTOS CITY – Nangandam na ng lokal nga gobyerno sa Maitum, Sarangani Province nga magpagawas og administrative order nga ideklara ang Dakeol Forest isip critical habitat sa Philippine eagle sa 2021.
Kini human nga nakit-an sa mga personahe sa Department of Environment and Natural Resources pinaagi sa Community Environment and Natural Resources Office (CENRO) sa Kiamba ang presenya sa gamay nga Philippine eagle sa Dakeol Forest.
Ang maong area ang nahimutang sa Sitio Angko, Barangay Batian, Maitum, Sarangani Province.
Gibutyag ni Edgar Calderon, team leader og Park Maintenance Foreman sa CENRO Kiamba nga mibalik sila sa area aron monitoron ang nesting sites sa duha ka Philippine eagle nga ilang naoserbahan kauban ang staff sa Philippine Eagle Foundation.
Sa virtual assessment sa PEF, nga ang maong agila ang anaa sa 10 hangtud sa 12 ka bulan.
Gituohan nga ang maong gamay nga agila ang anak sa Sarangani Pride nga unang nadakpan kaniadtong 2017 apan subling gibuhian.
