GENERAL SANTOS CITY – Hugot na ang preparasyon sa GenSan boxer nga si WBO number 1 Reymart Gaballo (27-1) sa gikatakda nga ingkwentro niini batok sa Mehikano nga si Kenbun Torres nga gikatakda sa Mayo 10, 2024 sa Midas Hotel and Casino sa kauluhan.
Si Gaballo kauban sa iyang boxing coach nga si Nonito Donaire Sr., ang gabansay sa Sanman gym dinhi sa dakbayan.
Si Gaballo ang may 27 ka daog usa ka pildi og 22 ka knockouts samtang si Torres ang may 13 ka daog, lima ka pildi og siyam ka knockouts.
Sa ulahing dula ni Gaballo iyang gi-knockout sa miaging Pebrero si Phai Pharob.
Ang Gaballo vs Torres ang co-main event sa engkwentro ni kanhi WBA/IBF super bantamweight world champion Marlon Tapales batok kang kanhi WBA Asia bantamweight champion Nattapong Jankaew alang sa WBC Asia Continental super bantamweight title
