GENERAL SANTOS CITY – Malampuson ang gihimong buybust operation sa Philippine Drug Enforcement Agency kon PDEA kauban ang Bula PNP nga gipahigayon sa Phase A, Public Market, sa miaging September 4, 2020 mga alas 5:00 sa hapon.
Ang nasikop ang usa ka babaye nga nailhan sa pangalan nga si Agnes Damalerio, 44 anyos nga residente sa Zone 2A, Brgy. Bula, General Santos City.
Gibutyag nga si Bolotano ang usa sa mga gitudlong source sa ilegal nga droga nga gihuptan ni Jonnefer Edaño Alias Ismol, nga naaresto sa mga otoridad sa miaging September 4, 2020 alas 3:00 sa hapon.
Nakumpiska gikan kang Bolotano ang usa sachet sa shabu og ang buybust money nga anaa sa P500.
Samtang nasikop usab sa PDEA 12 kauban sa Lagao PNP ang usa ka target-listed personality atol sa buy-bust operation nga gihmoi sa National Highway, Purok 15, Lagao, ning syudad sa miaging September 4, 2020.
Ang suspek ang nailhan sa pangalan nga unang nasikop nga mao si Jonnefer Edaño alyas Ismol, 45 anyos nga gaayo og relo nga residente sa SM Villegas, Sinawal, ning syudad.
Nakuha gikan sa iyang kustudiya ang tulo ka sachet sa shabu nga anaa sa duha ka gramos ang gimbug-aton og ang buybust money nga anaa sa P500.
Gibutyag nga ang nasampit ang iladong gabaligya og ilegal nga droga sa merkado publiko nga ang iyang pag-ayo sa relo ang prontalya sa pagpamiligya niini sa ilegal nga droga.
