Anaa sa 20% ang fully vaccinated sa Sarangani Province sa 413,000 nga bakunahan batok sa COVID-19.
Matud pa ni Razel Bustria, Provincial vaccination coordinator sa Sarangani Provincial Health Office nga 128, 895 ang fully vaccinated og 19,286 ang mga nakadawat sa unang dose.
Mas daghan ang fully vaccinated sa Sarangani gumikan ubay-ubayng dose sa janssen vaccine ang miabut ug naturok sa mga residente.
Matud pa ni Bustria nga ang nadawat nga mga vaccines sa Sarangani mao ang Sinovac, Janssen og Astrazeneca.
Gipaklaro niini nga sa kasamtangan ang probinsya ang walay cold storage facility nga kaya mag-akomodar sa mga bakuna nga nanginahanglan ug ubos pa sa -negative 15 degrees celsius nga temperatura.
Kahibaluan nga base sa patakaran prayoridad nga makadawat sa Janssen vaccine batok sa COVID 19 ang mga gapuyo sa Geographically Isolated and Disadvantaged Areas o lagyong lugar.
Nasayran nga sa usa ka vial sa janssen vaccine adunay unom hangtud pito ka doses.
