-- ADVERTISEMENT --
Wala nakit-an ni Pangulong Ferdinand Marcos Jr. ang panginahanglanon nga ipadayon ang fuel subsidy alang sa mga PUV drivers, mag-uuma og mga managat.
Matud sa Pangulo, kung magpadayon ang pagtaas sa presyo sa lana sa world market, andam ang gobyerno nga ipatuman ang fuel subsidy, apan karon nga miubos sa $69 per barrel gikan sa miaging presyo nga $79, dili pa kini gikinahanglan.
Ang sukdanan sa gobyerno nga anaa sa $80 per barrel isip basehan kung kanus-a maglusad og subsidiya alang sa mga sektor nga hilabihan ka apektado.
Apan gumikan utay-utay ang pagpatuman sa pagtaas sa presyo sa produktong petrolyo ipahigayon usab ang laing hugna sa price hike.
